حکومت دے یکساں نصاب پالیسی دے خلاف اردو بازار دے تاجر سراپا احتجاج

لہور (پنجابی میڈیا گروپ) حکومت ولوں آن والے تعلیمی سال شروع ہون اُتے یکساں نصاب پالیسی لاگو کرن دے اعلان دے بعد پنجاب ٹیکس بک بورڈ دے زیر اہتمام کلاس اک توں کلاس پنجویں تک دی ارباں روپے مالیت دی کروڑاں دیاںکتاباں ضائع ہون دے خدشات پیدا ہوگئے نیں۔ دسیا گیا اے کہ پنجاب ٹیکسٹ نے اپنے رجسٹر پبلشرز دے ذریعے کروڑاں درسی کتاباں2007ء وچ شائع کروائیاں سن جناں اُتے ارباں روپے دی لاگت وی آئی سی۔ مذکورہ کتاباں ایس وقت سٹاک وچ موجود نیں جناں صوبے بھر دے سرکاری سکولاں وچ تقسیم کیتا جانا سی۔ جدکہ دُجے پاسے ٹیکسٹ بک بورڈ پبلشرز ایسوسی ایشن نے حکومت دے ایس فیصلے اُتے شدید رد عمل دا اظہار کردیاں ہوئیاں حکومت توں مطالبہ کیتاکہ نویے نصاب پالیسی اُتے عملدرآمد نوں آن والے3سال لئی موخر کردتا جائے۔