بابراعظم نال محبت، میشا شفیع دا منن توں انکار

کراچی( پنجابی میڈیا گروپ)مشہور گلوکارہ میشا شفیع نے کپتان قومی کرکٹ ٹیم بابراعظم نال ڈیٹ مارن دی خواہش بارے خبراں دی سختی نال تردید کیتی اے۔سماجی رابطے دی ویب سائٹ انسٹاگرام اُتے گلوکارہ میشا شفیع نے قومی کرکٹ ٹیم دے کپتان بابراعظم بارے اک پوسٹ شیئر کیتی جس وچ آکھیا گیا سی کہ جد وی بابراعظم بیٹنگ کردے نیںتے میں ٹی وی دے ساہمنے بیٹھ جاہندیواں تے جس طرح ہی اوہ آوٹ ہوندے نیں تے میں ٹی وی بند کردیندیآں، میں بابراعظم نال پیار کردی آںتے ملاقات کرنا چاہندی واں۔میشا شفیع نے بابر اعظم نال ملاقات دی خواہش تے اظہار محبت بارے پوسٹ نوں جھوٹا آکھیدیاں ہوئیاں آکھیا کہ مینوں بالکل وی اندازہ نہیں کہ ایہ کیہ اے تے کس نے لکھیا اے، میں تے اینج کدی نہیں آکھیا جدکہ اینج دیاں گلاں دا وی کوئی مطلب نہیں، ایہ پوسٹ جعلی اے، میشا شفیع نے انسٹاگرام انتظامیہ نوں پوسٹ ہٹان دی درخواست کیتی اے۔

اپنا تبصرہ گھلو