ویکسین دی تیاری لئی عالمی برادری نال تعاون کراں گے، چین

بیجنگ( پنجابی میڈیا گروپ) چین دے صدر شی جن پنگ نے جی-20 سمٹ دے سربراہ اجلاس نال خطاب کردیاں آکھیا کہ کوڈ 19 ویکسین دے تعاون نوں عالمی سطح اُتے ودھان لئی تیار نیں۔عالمی خبر رساں ادارے دے مطابق چین دے صدر شی جن پنگ نے الریاض وچ ہون والی ورچوئل جی-20 سمٹ نال خطاب کردیاں ہوئیاں آکھیا کہ کورونا وبا دے دوران عالمی سطح اُتے نقل تے حمل نوں آسان بنان لئی پالیسیاں اُتے عالمی ہم آہنگی بے حد ضروری اے۔صدر شی جن پنگ نے ہور آکھی کہ دنیا بھر وچ دوا ساز کمپنیاں تے تحقیقی ادارے کوویڈ 19 دی ویکسین دی تیاری اُتے کم کر رہے نیں تے کئی ویکسیناں دی ہزاراں رضاکاروں اُتے آزمائش وی جاری اے، چین وچ وی 5 ویکسیناں دی تیاری تیجے تے آخری مرحلے وچ داخل ہوچکی اے۔

اپنا تبصرہ گھلو