پاناماتوں بعد براڈ شیٹ نے امیرحکمراناں دی کرپشن ساہمنے لے آندی ، وزیر اعظم

اسلا م آباد (پنجابی میڈیا گروپ )وزیراعظم عمران خان نے آکھیا اے کہ حکمراناں دا باربار بے نقاب ہونا کرپشن دے خلا ف 24 سالہ جدوجہد اے،پاناما پیپرز دے بعد براڈ شیٹ نے وی ساڈے امیر حکمراناں دی کرپشن تے منی لانڈرنگ نوں بے نقاب کیتا اے۔ ٹوئٹر اتے جاری اپنے بیان وچ وزیراعظم عمران خان داآکھنا سی کہ پہلاں پانامہ پیپرز دے ذریعے ساڈے امیر حکمراناں دی کرپشن تے منی لانڈرنگ ساہمنے آئی تے ہن براڈ شیٹ نے وی اشرافیہ دی وڈے پیمانے اتے کرپشن تے منی لانڈرنگ نوں بے نقاب کیتا اے۔ ایہناں داآکھنا سی کہ بین الاقوامی انکشافات دے بعد ایہہ اشرافیہ انتقامی کارڈ دے پیچھے نہیں چھپ سکدی۔ حکمراناں دا باربار بے نقاب ہونا کرپشن دے خلا ف 24 سالہ جدوجہد اے،پاناما پیپرز دے بعد براڈ شیٹ نے وی ساڈے امیر حکمراناں دی کرپشن تے منی لانڈرنگ نوں بے نقاب کیتا اے۔ایہناں لوکائی نے ملک نوں تباہ کیتا اے۔ ایہدے نال پاکستانی عوام دا نقصان سبھ توں زیادہ ہویا۔ ایہناں نے اک دوجے دے نال واریاں لگائیاں ہوئیاں سن این آراو دا سہارا لیندے سن۔ وزیراعظم عمران خان ہوراں نے مزیدآکھیا اے کہ ایہہ انکشافات داآغاز نیں۔ اسیں براڈ شیٹ کولوں اشرافیہ دی منی لانڈرنگ دی مکمل تے شفاف چھان بین چاہندے آں۔ اسیں ایہوی چاہناں اے آں کہ ایہناں چھان بین توں کس نے روکیا۔

اپنا تبصرہ گھلو