سرکار دا18 جنوری توں تعلیمی ادارے کھولن دا اعلان

9 ویں تا 12 ویں جماعت دے امتحانات ہون گے کسی بچے نوں بغیرامتحان پاس نہیں کیتا جاوے گا، وزیر تعلیم شفقت محمود
اسلام آباد (بیورورپورٹ )وفاقی وزیر تعلیم شفقت محمود نے آکھیااے کہ ملک وچ کرونا وائر س دے باعث بند کیتے گئے تعلیمی ادارے کھولن دے فیصلے اتے نظر ثانی کیتی گئی اے تے ہن پہلی توں 8ویں جماعت تیک دے طلبہ لئی تعلیمی ادارے 25 جنوری دے بجائے یکم فروری توں کھولے جان گے۔اسلام آباد وچ وزرائے تعلیم دے اجلاس دے بعد پریس کانفرنس کردیاںہویاںاوہناں نے دسیا کہ 9ویں توں 12ویں جماعت دے طلبہ لئی تعلیمی ادارے پچھلے فیصلے دے مطابق 18جنوری توں ای کھول دتے جان گے، 15ستمبر نوں جدوں اسیں سارے تعلیمی ادارے کھولن دا فیصلہ کیتا سی تے ایس ویلے وائرس دے کیسز مثبت آن دی شرح 1.9 دے نیڑے سی۔ وزیرتعلیم شفقت محمود ہوراں نے آکھیا اے کہ صوبائی تے وفاقی سرکار نے ایہہ فیصلہ کیتا اے ایس سال 9 ویں تا 12 ویں جماعت دے امتحانات ہون گے کسی بچے نوں بغیرامتحان پاس نہیں کیتا جاوے گا،