نواں پاکستان ایناں گندا ہووے گا ایہہ کسی نوں نہیں پتہ سی، عظمیٰ بخاری

لہور(سٹی رپورٹر)مسلم لیگ نون پنجاب دی ترجمان عظمیٰ بخاری نے آکھیا اے کہ نیا پاکستان اتنا گندا ہووے گا ایہہ کسی کو نہیں پتہ سی۔بڑی محنت دے نال ایہناں لوکائی نے لہور نوں کچہرا کنڈی بنایا اے۔تفصیلات دے مطابق لہور وچ پریس کانفرنس کردیاں ہویاں ترجمان مسلم لیگ نون پنجاب عظمیٰ بخاری نے آکھیا اے کہ نیا پاکستان اتنا گندا ہووے گا ایہہ کسی کو نہیں پتہ سی۔نیا پاکستان جتنا نیا رہیا، جتنی تبدیلی آئی اوہ عوام نے ویکھ لئی اے۔ میاں اسلم اقبال ہنی تیک 1990دی دہائی وچ رہندے نیں۔

عظمیٰ بخاری ہوراں نے آکھیا اے کہ کوڑا کرکٹ چکنا لوکل گورنمنٹ دا کم اے ایہہ لوکل باڈیز دا الیکشن نہ کراسکے۔ ترجمان ن لیگ نے مزیدآکھیا اے کہ سی پیک عملاً پاکستان توں رول بیک ہو چکیا اے۔ لہرو دی عوام آکھدی اے کہ ترک کمپنی البراک نے بڑا چنگا کم کیتا،تقابلی جائزہ چیخ چیخ کے آکھدا اے کہ کتنا چنگا کم ہو رہیا سی۔ ہر گل اتے شہبازشریف اتے ڈال دینا ایہناں دی پرانی عادت اے۔ میاں شہبازشریف نے پنجاب وچ لوکائی نوں روزگار دتا سی بجلی دے سستے منصوبے دتے سن۔ پنجاب وچ وائی فائی دتا جہڑا ہن بند ہوگیا اے۔ اوہناں نے مزیدآکھیااے کہ الرباک دا کنٹریکٹ رینیونہیں کیتا مشنری اتے قبضہ کرلیا تے اوہ کیویں کم کرن۔

اپنا تبصرہ گھلو