پی سی بی نال تعلقات ٹھیک نیں تے بورڈ مینوں سائیڈ لائن نہیں کر رہیا: حفیظ

لہور( پنجابی میڈیا گروپ)قومی ٹیم دے آل راؤنڈر حفیظ دا کہنا اے میرے پاکستان کرکٹ بورڈ دے نال تعلقات بالکل ٹھیک نیں، بورڈ کدھرے وی مینوں سائیڈ لائن نہیں کر رہیا۔ سجال دے پروگرام میٹ دی پریس وچ گل کردیاں حفیظ نے آکھیا پچھلا سال میرے کیریئر دا کامیاب سال رہیا۔ ٹی ٹونٹی وچ پاکستان ولوں دنیا دا ٹاپ سکورر بنیا، ایس ورھے وی ایسے کامیابیاں نوں اگے لے کے چلنا چاہواں گا۔ میں ہمیشہ پاکستان دے افتخار لئی کھیڈیا آں۔ میرے پاکستان کرکٹ بورڈ دے نال تعلقات بالکل ٹھیک نیں، بورڈ کدھرے وی مینوں سائیڈ لائن نہیں کر رہیا۔ سابق کپتان آکھیا این او سی وی ایسے وجہ توں ملیا قومی ٹیم وچ دستیابی وچ مسئلہ نہ ہووے، ٹی ٹین میچز بائیو سیکیورببل وچ ہون گے، واپسی تے کورونا پروٹوکولز پورے کرکے مکمل طور تے ٹی ٹونٹی سیریز لئی دستیاب ہوواں گا۔اوہناں آکھیا میرے نزدیک مصباح الحق اک بہترین کھڈاری تے کوچ نیں۔