تسیں گھبرانا نہیں اے، بابر اعظم دا کھڈاریاں نوں پیغام

لہور( پنجابی میڈیا گروپ)قومی ٹیم دے کپتان بابر اعظم دا کہنا اے مُنڈیاں نوں جنوبی افریقہ دے خلاف صرف بے خوف کرکٹ کھیڈن دی ہدایت کیتی سی۔ پی سی بی پوڈ کاسٹ وچ اظہار خیال کردیاں قومی ٹیم دے کپتان بابر اعظم نے رضوان دی عمدہ پرفارمنس دی سلاہنا کردیاں آکھیا رضوان نے شاندار کارکردگی دا مظاہرہ کیتا تے ثابت کیتا اے کہ چنگی فارم دا تسلسل کیویں برقرار رکھیا جاندا۔ بابر اعظم نے آکھیا انجری توں واپس آندیاں ای انٹرنیشنل کرکٹ کھیڈنا آسان نہیں ہوندا، پی ایس ایل وچ اپنی کھوئی ہوئی فارم حاصل کرن دی کوشش کراں گا جد کہ جنوبی افریقہ دے خلاف مُنڈیاں نوں بے خوف ہو کے کھیڈن دا آکھیا سی تے صرف اک گل کیتی سی کہ گھبرانا نہیں۔