پاکستان تے افغانستان وچ امن خطے دے مفاد وچ اے: آرمی چیف

راولپنڈی( پنجابی میڈیا گروپ) آرمی چیف جنرل قمر جاوید باجوہ نال روسی ڈر دے نمائندہ برائے افغانستان ضمیر کابلو نے ملاقات کیتی۔ پاک فوج دے شعبہ تعلقات عامہ (آئی ایس پی آر) دے مطابق آرمی چیف جنرل قمر جاوید باجوہ نال روسی صدر دے نمائندہ برائے افغانستان ضمیر کابلو دی ملاقات دے دوران باہمی دلچسپی دے امور تے علاقائی سلامتی دی صورتحال تے تبادلہ خیال کیتا گیا۔ روسی نمائندہ خصوصی نے افغان امن عمل وچ پاکستان دے مثبت کردار دی تعریف کیتی تے ملاقات وچ اتفاق کیتا گیا کہ پاک روس تعلقات آؤن والے دناں وچ ہور بہتر ہون گے ایہدے علاوہ فریقین نے دوطرفہ تعلقات نوں ہور ودھان دے عزم دا اظہار کیتا۔ ملاقات دے دوران افغان امن عمل وچ پیش رفت تے وی تفصیلی غور کیتا گیا۔ ایس موقع تے پاک فوج دے سربراہ نے آکھیا پاکستان تے افغانستان وچ امن خطے دے مفاد وچ اے۔