گیلانی پی ڈی ایم دے سانجھے اُمیدوار حکومت وچ کھلبلی مچی ہوئی اے: مولانا فضل الرحمن

اسلام آباد (پنجابی میڈیا گروپ) پی ڈی ایم دے سربراہ مولانا فضل الرحمن نے آکھیا کہ یوسف رضا گیلانی سینیٹ لئی ساڈے مشترکہ امیدوارنیں، گیلانی دے چنائو وچ حصہ لین دے اعلان توں بعد حکومتی حلقیاں وچ کھلبلی مچی ہوئی اے،امپائر نیوٹرل دے سوال اتے آکھیا کہ بظاہر تے لگدا اے تاہم ڈسکہ تے کرم دے شکوک وشبہات ایہناں دی طرف جا رہے نیں۔ پیر دے روز یوسف رضاگیلانی پارٹی تے رہنمائواں تے رفقا دے ہمراہ مولانا فضل الرحمن دی رہائش گاہ اتے اپڑے تے ایہناں دے نال ملاقات کیتی جدکہ سینیٹ الیکشن وچ جے یو آئی دے نال تعاون دی درخو است کیتی۔ جہدے اتے مولانا نے آکھیا تساں ایتھے آئے خوشی ہوئی۔ ایہہ تہاڈااپنا گھراے۔ تساں میرے گھر نہ وی آئوندے تے میں تاں وی سینیٹ چنائو وچ بھرپور تعاون کراں گے۔ بعدازاں میڈیا دے نال گل بات کر دیاں ہویاں مولانا فضل الرحمن نے آکھیا کہ یوسف رضاگیلانی پی ڈی ایم دے مشترکہ امیدوار نیں، انشاء اللہ اوہ کامیاب وی ہون گے۔ مولانا نے اک واری فیر آکھیا کہ یوسف رضا گیلانی سینیٹ لئی ساڈے مشترکہ امیدوارنیں، گیلانی دے چنائو وچ حصہ لین دے اعلان توں بعد حکومتی حلقیاں وچ کھلبلی مچی ہوئی اے۔