فیصل واوڈااہل تے پرویزرشید نااہل

کراچی ‘ لہور( پنجابی میڈیا گروپ ) الیکشن ٹریبونل نے پی ٹی آئی رہنما فیصل واوڈا نوں سینیٹ الیکشن لئی اہل قرار دے دتا جدکہ (ن) لیگ دے پرویز رشید دے کاغذات نامزدگی رد کیتے جان دے خلاف اپیل وی ردکردتی گئی ۔ تفصیلات دے مطابق سندھ ہائی کورٹ دے الیکشن ٹریبونل نے سینیٹ الیکشن لئی فیصل واوڈا دے کاغذات نامزدگی دی منظوری اتے ریٹرننگ افسر دے فیصلے دے خلاف پیپلز پارٹی دے امیدوار قادر خان مندوخیل دی اپیل اتے سماعت کیتی۔الیکشن ٹریبونل نے فریقین دے دلائل سنن دے بعد فیصل واوڈا دے خلاف قادر مندوخیل دی اپیل نوں رد کر دتا تے پی ٹی آئی رہنما دی نامزدگی نوں درست ٹھہراندیاں ہویا ںایہناں سینیٹ الیکشن لئی اہل قرار دے دتا۔ دوجے پاسے لہورہائیکورٹ دے جسٹس شاہد وحید اتے مشتمل الیکشن ٹربیونل نے پرویز رشید دے سینیٹ الیکشن لئی کاغذات نامزدگی رد ہون دے خلاف اپیل اتے سماعت کیتی۔بعدازاں پرویز رشید ہوراں نے کاغذات نامزدگی رد کردتے گئے۔