پاکستان کرکٹ لئی 200فیصد محفوظ ملک قرار

کراچی: سری لنکن کپتان ڈیموتھ کرونارتنے نے پاکستان نوں کرکٹ لئی 200فیصد محفوظ ملک قرار دے دتا۔ ڈیموتھ کرونارتنے آکھیا بحیثیت مجموعی ایہ دورہ ساڈے لئی بہت چنگا رہیا، اسیں بھرپور میزبانی نال بہت لطف اندوز ہوئے، سکیورٹی سنے دوجے انتظامات انتہائی شاندار سن، بنگلہ دیش سنے ہر ملک نوں ایتھے کھیڈن لئی آنا چاہیدا اے۔

کراچی ٹیسٹ وچ شکست دے بعد پریس کانفرنس وچ کرونارتنے نے آکھیا پاکستانی کھڈاریاں نے چنگی کارکردگی نال ٹیم دی کامیابی وچ اہم کردار ادا کیتا، ساڈی شکست دی بنیادی وجہ کھڈاریاں دا ناتجربہ کار ہونا سی۔

اوہناں آکھیا پاکستان وچ سانوں گھر ورگا ماحول ملیا، سکیورٹی وی بہت چنگی سی، اسیں دوجی ٹیماں نوں کہہ سکنے آں کہ اوہناں نوں ایتھے ٹیسٹ، ون ڈے تے ٹی ٹونٹی کھیڈن وچ کوئی عار نہیں محسوس ہونی چاہیدی اے۔