ساڈے لیڈر دی پہچان اے کہ اوہ نہ دبائو وچ نہیں آئوندا: شبلی فراز

اسلام آباد (پنجابی میڈیا گروپ )وفاقی وزیر برائے اطلاعات و نشریات سینیٹر شبلی فراز داآکھنا اے کہ خریدوفروخت، دھونس، دھاندلی ن لیگ دا طرہ امتیاز اے، اوپن ووٹنگ دی مخالفت اوہ کردا اے جس دا خریداری دا ارادہ ہووے ،قوم پچھے ایہہ کیوں اوپن ووٹنگ دی مخالفت کررہے نیںشبلی فراز نے میڈیا دے نال گل بات دے دوران اپوزیشن اتے تنقید کردیاں ہویاں آکھیا اے کہ جہناں دا ماضی کرپشن دے لتھیریا ہویا اوہ لوکائی اج بھاشن دے رہے نیں’ اسیں اداریاں اتے یقین رکھدے آں۔ لیگ والے لین دین اتے یقین رکھدے نیں ملک وچ سیاست دی خریدوفروخت دی روایت قائم کرن والی پارٹی شیخ پا اے۔ ن لیگ جہڑے الیکشن جتے اوہ ٹھیک اے جتھوں ہارے اوتھے دھاندلی ہوئی اے۔ شبلی فرازہوراں نے سوال چکدیاں ہویاں آکھیا اے کہ تساں سینٹ الیکشن وچ اوپن ووٹنگ دی کیوں مخالفت کر رہے اوہ؟ ن لیگ نے خود 23 حلقیاں و چ دوبارہ الیکشن داآکھیا سی ۔ وزیراعظم عمران خان نے ایہہ چیلنج وی قبول کیتا تے دوبارہ الیکشن داآکھیا۔ شبلی فراز نے آکھیا کہ ساڈے لیڈر دی پہچان اے کہ اوہ نہ دبائو وچ آئوندا اے تے نہ مرعوب ہوندا اے۔ اسیں الیکٹرانک ووٹٹنگ دی تجویز وی دسی ایہدے اتے عمل پیرا وی آں۔ دوبارہ الکشن اتے ایہناں نوں فیر ذلت چکی پے گی۔