سپریم کورٹ حکومت دی ڈوبدی کشتی نوں سہارا نہ دیئے، مریم نواز

لہور( پنجابی میڈیا گروپ) مسلم لیگ(ن)دی نائب صدر مریم نواز ہوراں آکھیاکہ اوپن بلیٹنگ دی ترمیم سینیٹ دا مسئلہ سپریم کورٹ ایس وچ پارٹی نہ بنے تے نہ ہی حکومت دی ڈوبدی کشتی نوں سہارا دئیے
لہور وچ میڈیا نال گل بات کر دیاں آکھیا کہ مسلم لیگ(ن)دی نائب صدر مریم نواز ہوراں آکھیا کہ ڈسکہ وچ ہون والے ضمنی الکشناں وچ پی ٹی آئی نے دھاندلی کیتی، ساڈے ووٹراں نوں ہراساں کیتا گیا، پولنگ اسٹیشنز نوں بند کرن لئی فائرنگ کرائی گئی، حکومت دی دھاندلی وچ چھ چھ گھنٹے پولنگ روکی گئی، پولنگ شام پنچ وجے ختم ہوجاندی اے ۔ساری رات کس طرح ووٹنگ ہندی رہی؟ ساہنوں20پولنگ اسٹیشناں وچ دوبارہ الیکشن نہیں چاہیدے، ساہنوں تے پورے حلقے وچ پولنگ چاہیدی۔