بھارت نوں منہ دی کھانا پئی ، حماد اظہر

اسلام آباد (پنجابی میڈیا گروپ )وفاقی وزیر برائے صعنعت وتجارت حماد اظہر نے آکھیا اے کہ فنانشل ایکشن ٹاسک فورس (ایف اے ٹی ایف) دی طر فوں دتے گئے ٹاسک نوں 90 فیصد مکمل کیتا اے۔ پاکستان نوں دنیا دی تاریخ دا سبھ توں مشکل پلان دتا گیا۔ تن اہداف رہ گئے نیں اوہ وی جلد پورے کرلواں گے۔ پاکستان نوں بلیک لسٹ وچ دھکیلن دی کوشش وچ بھارت نوں مونہہ دی کھانا پئی ،ایہناں خیالات دااظہاراوہناں نے میڈیا دے نال گل بات کردیاں ہویاں کیتا۔ اوہنا ںنے آکھیا اے کہ سرکار ملی تے ٹاسک سی ملکنوں بلیک لسٹ توں بچانا اے۔ 27 نکاتی ایکشن پلان وچ 24 دے اہداف حاصل کیتے، فیٹف خود آکھ رہیا اے کہ 90 فیصد کم ہو چکیا اے۔ ایہنا دا آکھنا سی کہ ساڈا ہدف فٹیف دے 27نکاتی پوائنٹس اتے عمل درآمد کرنا اے۔ کرونا دے با وجود دتے گئے ٹارگٹ نوں اسیں بڑی حد تیک پورا کیتا۔ اقدامات دے باعث پاکستان نوں ہن بلیک لسٹ وچ نہیں پایا جا سکدا۔ وفاقی و زیر حماد اظہرہوراں نے مزیدآکھیا اے کہ ساڈے کول آپشن سی کہ کرونا وچ اسیں رپورٹنگ نہ کریئے۔

اپنا تبصرہ گھلو