آئی سی سی دا سینئر افسر الزاماں دے شکنجے وچ آگیا

دبئی( پنجابی میڈیا گروپ )آئی سی سی دا اک سینئر افسر بدعنوانی دے الزاماں اُتے شکنجے وچ آگیا اے۔بھارتی ویب سائیٹ دے مطابق انٹرنیشنل کرکٹ کونسل دے ہیڈ کوارٹر وچ تعینات اک سینئر افسر دی مشکوک سرگرمیاں دی تحقیقات لئی برطانیہ دی اک کمپنی دی خدمت لیتی گئی سی جس نے کئی ملازماں تے متعلقہ شخصیت دے انٹرویو کیتے۔پہلی تحقیق وچ سینئر افسر اُتے آئی سی سی ایونٹس دی میزبانی دے معاملیاں اُتے اثر انداز ہون، آئی سی سی میڈیا رائٹس دے معاملے وچ مداخلت، ساتھی ملازماں نوں ہراساں کرن سنے کئی الزام ساہمنے آئے سن، فی الحال ایس آفیشل نوں رخصت اُتے گھلیا گیا اے،ہور انکشافات ساہمنے آن دی توقع کیتی جا رہی اے۔

اپنا تبصرہ گھلو