صوبے بھر دے ڈپٹی کمشنرز تے کمشنرز نے پنجابی پَگ بنھ کے فرائض انجام دِتے
لہور(پنجابی میڈیا گروپ)پنجابی کلچر ڈے دے حوالے نال وزیر اعلیٰ پنجاب سردار عثمان بزدار تے صوبائی وزیر ثقافت دے احکامات اُتے عمل کردے ہوئے پاکستان دی تاریخ وچ پہلی وار صوبہ پنجاب وچ کم کرن والی بیوروکریسی نے پنجاب دی شان، پنجابی پَگ بنھ کے دفتر وچ کَم کیتا تے نال حکومتی ہدایات دی روشنی وچ اپنیاں تصویراں آفیشل ویب سائٹس اور سوشل میڈیا پیجز اتے وی اپلوڈ کیتیاں۔
ایس سلسلے وچ سبھ توں پہلے کمشنر لہور چودھری ذوالفقار گھمن نے سوشل میڈیا اتے اپنی تصویر شیئر کیتی تے سارا دن پگ پا کے دفتری کم کیتے۔
ایس ضمن وچ پنجابی تنظیماں نے ایس حکومتی عمل دی سلاہنا کیتی تے آکھیا کہ اپنی ہزاراں سال پرانی رہتل دے ودھا دیاں کوششاں اِنج ای جاری رہن گیاں۔
چیئرمین پنجابی میڈیا گروپ مدثر اقبال بٹ ہوراں دا کہنا سی کہ اوہ ویلہ دور نہیں جَد اسیں پنجاب دے سکولاں کالجاں وچ پنجابی زبان نوں لاگو کروان وچ وی کامیا ب ہو جاواں گے۔
پنجاب وچ کم کرن والی افسر شاہی نوں پنجاب دے رَنگ وچ رَنگے ویکھ کے جتھے خوشی دا اظہار کیتا اوتھے ای عوام نوں کل دِنے 2 وجے برنی گارڈن الحمرا وچ ہ پنجابی کلچر ڈے دے سلسلے وچ ہون والے اِکٹھ وچ ٹَبر سَنے رَلت کرن دی درخواست وی کیتی۔
“پنجابی تنظیماں دے مطالبے اُتے پنجابی پَگ دیہاڑ منایا گیا” 1تبصره
اسلام علیکم الحمداللہ مینوں کجھ لکھن دی سعادت نصیب جو رئی اے پنجاب دے پنجابیاں وارے لئیں
میں کراچی رینا ھاں مگر پنجاب وچ لوھور توں لے کے سجے خھبے ھندیاں صادق آباد تک رشتے دارایاں ویکھریاں پییا نیں
میں سدھا لوھور اتر کے بائی بس جگہ جگہ رکدا ھویا ضلع بھکر زرعی زمین تے ھندا ھوایا ملتان رک کے تے واپس کراچی بائی بس ای سفر کردا سی اس سارے مضمون دا خلاصہ ھن شروع ھون جا ریا اے
لوھور فیصل آباد ٹوبہ کمالیہ جڑانوالہ سمندری پیر محل کنجوانی ماموں کانجن جنگ لالیاں یعنی ہر مقام تے مینوں پنجابی دو نمبر شہری لگیا ہر کم وچ ہر بزنس وچ جیتھے ویکھو افغانی افغانی ہر کم تے انہاں دا ای راج دل جل کے رہ جاندا سی حتاکہ کنک وڈھن تے وی افغانی حیرت ھندی سی تے میں کدی کدار کسی پنجابی تنظیم دی طرفوں لکھیا فیس بک تے پڑھ لیندا سی میں فیس بک دے زریعے گجرات پنڈی ھور کنے لوھر ٹوبے پنجابی لیڈراں کو لکھیاں کہ پنجاب وچ پنجابی مکدی جاندی اے پنجابی اپنے بچیاں نوں اردو سکھاون لگ پیا اے تے باہر پٹھاناں نال خود وی اردو دا سہارا لیندٹوبے ایہہ گل پنجابی واسطے خطرناک اے کجھ عرصے بعد پنجاب دا حال وی فلسطین ورگہ ھو جانا جے اٹھ دس سال بعد ھن کجھ پنجابیاں نوں ھوش آون لگ پئی اے ھن جاگن لگ پیا اے پنجاب
امید اے رب توں لکھاں جاناں واریاں ساڈھے وڈیاں نیں ایس خطے لئیں تے ھن اس دے محافظ جاگ پئیے نیں الحمد اللہ
جاگ پنجابی جاگ نا تیرے کول پچیا آٹا تے نا ساگ
جاگ پنجابی جاگ
امید کرداں ایں کہاگے وراے وچ بھی اگر میں کجھ لکھاں تے چھاپ دووں گے
اعظم مان اللہ سب پنجابیاں تے پنجاب تے ملک خدا داد دی حفاظت فرمائیے آمیں
اسلام علیکم الحمداللہ مینوں کجھ لکھن دی سعادت نصیب جو رئی اے پنجاب دے پنجابیاں وارے لئیں
میں کراچی رینا ھاں مگر پنجاب وچ لوھور توں لے کے سجے خھبے ھندیاں صادق آباد تک رشتے دارایاں ویکھریاں پییا نیں
میں سدھا لوھور اتر کے بائی بس جگہ جگہ رکدا ھویا ضلع بھکر زرعی زمین تے ھندا ھوایا ملتان رک کے تے واپس کراچی بائی بس ای سفر کردا سی اس سارے مضمون دا خلاصہ ھن شروع ھون جا ریا اے
لوھور فیصل آباد ٹوبہ کمالیہ جڑانوالہ سمندری پیر محل کنجوانی ماموں کانجن جنگ لالیاں یعنی ہر مقام تے مینوں پنجابی دو نمبر شہری لگیا ہر کم وچ ہر بزنس وچ جیتھے ویکھو افغانی افغانی ہر کم تے انہاں دا ای راج دل جل کے رہ جاندا سی حتاکہ کنک وڈھن تے وی افغانی حیرت ھندی سی تے میں کدی کدار کسی پنجابی تنظیم دی طرفوں لکھیا فیس بک تے پڑھ لیندا سی میں فیس بک دے زریعے گجرات پنڈی ھور کنے لوھر ٹوبے پنجابی لیڈراں کو لکھیاں کہ پنجاب وچ پنجابی مکدی جاندی اے پنجابی اپنے بچیاں نوں اردو سکھاون لگ پیا اے تے باہر پٹھاناں نال خود وی اردو دا سہارا لیندٹوبے ایہہ گل پنجابی واسطے خطرناک اے کجھ عرصے بعد پنجاب دا حال وی فلسطین ورگہ ھو جانا جے اٹھ دس سال بعد ھن کجھ پنجابیاں نوں ھوش آون لگ پئی اے ھن جاگن لگ پیا اے پنجاب
امید اے رب توں لکھاں جاناں واریاں ساڈھے وڈیاں نیں ایس خطے لئیں تے ھن اس دے محافظ جاگ پئیے نیں الحمد اللہ
جاگ پنجابی جاگ نا تیرے کول پچیا آٹا تے نا ساگ
جاگ پنجابی جاگ
امید کرداں ایں کہاگے وراے وچ بھی اگر میں کجھ لکھاں تے چھاپ دووں گے
اعظم مان اللہ سب پنجابیاں تے پنجاب تے ملک خدا داد دی حفاظت فرمائیے آمیں