حکومت پنجابی اخباراں نوں اونھاں دا قنونی حق دیوے

سی پی این ای دے صدر خوشنود علی خان دی مدثر اقبال بٹ نال ملاقات

سی پی این ای دے صدر تے چیف ایگزیکٹو خوشنود علی خان نے پنجابی نیوزپیپرز ایسوسی ایشن اور نیوزپیپرز اینڈ پیریاڈیکلز ایسوسی ایشن آف پاکستان (NPA)

دے چیئرمین مدثر اقبال بٹ ہوراں نال میٹنگ کیتی۔ میٹنگ وچ پرنٹ میڈیا دے مسائل تے پنجاب وچ میڈیا دی غیر منصفانہ تقسیم اُپر وچار وٹاندرا کیتا۔

اخباری صنعت دے دونواں لیڈراں نے ایس گل اُتے اتفاق کیتا کہ پنجابی زبان نوں پنجاب وچ اُجاگر کرن واسطے مشترکہ جدو جہد کیتی جائے اور قانونی طور اُپر پنجابی اخبارات نوں پنجاب حکومت توں ملن والے اشتہارات وچ وادھا تے پنجابی اخبارات لئی مختص 5 فیصد کوٹہ اخباراں نوں جاری کرن دا معاملہ یقینی بنائون تے دوسرے صوبیاں وانگ لینگوئج پیپرز دی بہتری واسطے کم کیتا جائے۔

ملاقات وچ دونواں اخباری لیڈراں نے آکھیا کہ حکومت دا پنجابی لینگوئج اخباراں نوں اوہناں دا مختص قانونی کوٹہ نہ دین دی کوئی وجہ نہیں۔

جَد کہ سندھ وچ سندھی اخباراں نوں 40 فیصد تے خیبر پختونخوا وچ 15 فیصد کوٹے نوں یقینی بنایا جاندا اے۔ دونواں لیڈراں دی میٹنگ وچ طے ہویا کہ پنجابی اخبارات دے اشتہاراں دے 5 فیصد کوٹہ نوں 40 فیصد کوٹہ تک ودھائون لئی اواز چُکاں گے ۔

اپنا تبصرہ گھلو