اپنے پیو لئی لڑنا وی پیا تے لڑاں گا، اذان سمیع خان

لہور( پنجابی میڈیا گروپ)میرے پیو نے کدی وی میرے میوزک اپتے اثرانداز ہون دی کوشش نہیںکیتی،گلوکار تے میوزک کمپوزر اذان سمیع ہوراں دا کہنا ایکہ اوہ اپنے پیو دے سب توں وڈھے مداح نیں تے اگر اوہناں لئی لڑنا وی پیا تے لڑاں گا۔پاکستان دی میوزک انڈسٹری وچ اُبھردے ہوئے گلوکارتے موسیقار اذان سمیع نے اپنے فنی سفر دا آغاز فلم دے میوزک کمپوز کرکے کیتا سی۔ تے ہن اوہ اپنا میوزک البم لانچ کرن جارہے نیں جس وچ9گانے ، ست اردو وچ، اک پنجابی تے اک پشتو وچ اے ،اذان سمیع نے کجھ دن پہلاںہی وائس آف امریکا نوں انٹرویو دتا جس وچ اوہناں نے نیپوٹزم بارے گل بات کر دیاں آکھیاکہ انڈسٹری وچ کسی مشہور شخصیت دا پُتر یادھی ہون دی وجہ نالاوہناں لئی آسانیاں ہندیاں نیں۔ لوگ آکھدے نیں کہ اگر کسی نوں موقع دتا جائے تے ایس دا فائدہ ضرور ہندااے۔ لیکن میری نظر وچ موقع توںودھ تُسی پہلے دن توں اپنی اپنی فیلڈ وچ ماہر لوکاں نوں ویکھن دا موقع ملدا اے تے ایس توں وڈی برکت چیز کوئی نہیں اے۔ جیہڑے تہانوں مشورے دیندے نیں، نصیحت کردے نیں اوہ اپنی فیلڈ وچ ماہر لوگ ہندے نیں۔ لہذا جد تُسی اپنی پیشہ ورانہ زندگی دی شروعات کردے او تے تسی تجربہ کار لوکاں دی رہنمائی مل چکی ہندی اے۔