تہاڈا اعتماد تہانوں وکھرا تے پرکشش بناندا اے: علیزے شاہ

کراچی( پنجابی میڈیا گروپ)اداکارہ علیزے شاہ آکھیا اے تہاڈی جِلد تہاڈی خوبصورتی تے اہمیت دی پیمائش نہیں کردی بلکہ تہاڈے اندر موجود اعتماد ای تہانوں سبھ توں وکھرا تے پرکشش بناندا اے۔ میڈیا رپورٹ دے مطابق اداکارہ نے انسٹا گرام اکاؤنٹ تے خصوصی سٹوری شیئر کیتی جہدے وچ اوہناں آکھیا میں کافی عرصے توں ایکنی نال لڑ رہی آں۔ اوہناں آکھیا ساڈے وچوں بہت سارے لوکاں دا مننا اے خوبصورت تے صاف جِلد ای ساڈی خوشگوار زندگی دی بنیاد اے جد کہ میر اخیال ایہدے الٹ اے۔ میرا مننا ایہ اے کہ اسیں کیل مہاسیاں دے نال وی ایک خوشگوار زندگی گزار سکنے آں۔ علیزے شاہ آکھیا تہاڈی جِلد تہاڈی خوبصورتی تے اہمیت دی پیمائش نہیں کردی بلکہ تہاڈے اندر موجود اعتماد ای تہانوں سبھ توں وکھرا تے پرکشش بناندا اے۔