حکومت تے تحریک لبیک پاکستان وچکار مذاکرات کامیاب ہو گئے: شیخ رشید

اسلام آباد( پنجابی میڈیا گروپ) وفاقی وزیر داخلہ شیخ رشید آکھیا اے حکومت تے تحریک لبیک پاکستان (ٹی ایل پی) وچکار طویل مذاکرات کامیاب ہو گئے۔ ٹویٹر تے جاری اپنے ویڈیو بیان وچ شیخ رشید آکھیا حکومتی وفد تے تحریک لبیک پاکستان دے رہنماواں وچکار ایہ گل طے ہوئی اے کہ قومی اسمبلی وچ فرانسیسی سفیر دی ملک بدری دی قرارداد پیش کیتی جائے گی تے تحریک لبیک لہور وچ اپنے مرکز مسجد رحمت اللعالمین سمیت ملک بھر توں دھرنے ختم کر دیوے گی۔شیخ رشید نے ہور آکھیا گل بات تے مذاکرات دا سلسلہ اگے ودھایا جائے گا تے جہڑے لوکاں دے خلاف شیڈول فورتھ سمیت مقدمات درج نیں، اوہناں دا اخراج کیتا جائے گا۔