وزیراعظم ضد چھڈن، عوام تے رحم کھا کے استعفیٰ دین تے گھر جان: بلاول بھٹو

کراچی: بلاول بھٹو زرداری نے رمضان المبارک دے دوران مہنگائی وچ بے پناہ وادھے تے حکومت تے سخت تنقید کردیاں وزیراعظم توں مطالبہ کیتا اے اوہ عوام تے رحم کھاندیاں ہویاں اپنی ضد چھڈن تے استعفیٰ دے کے گھر جان۔ تفصیل دے مطابق چیئرمین پیپلزپارٹی بلاول بھٹو زرداری نے رمضان وچ ہوشربا مہنگائی تے بیان دیندیاں آکھیا اے سلیکٹڈ حکومت نے عوام نوں کندھ نال لان وچ کوئی کسر نہیں چھڈی، رمضان وچ کھان پین دی شیواں دی ریکارڈ قیمتاں تے عوام دی کمر توڑ دتی اے۔ بلاول بھٹو نے آکھیا ملک تے ایہدے مسئلیاں دا حل موجودہ حکومت دے بس دی گل نہیں، رمضان دے شروع وچ گھیو، آٹا سمتی 16شیواں دی قیمتاں وچ وادھا حکومتی نااہلی اے۔ اوہناں دا کہنا سی عمران خان مہنگائی کرن والے مافیا دی سرپرستی کرکے عوام نال دشمنی کر رہے نیں۔ رمضان وچ ہر چیز دی نگرانی دے اعلان دے بعد مہنگائی وچ وادھا تشویشناک اے۔ وزیراعظم نے جہڑے رمضان پیکیج دا اعلان کیتا سی، اوہ کدھرے نظر نہیں آ رہیا۔

اپنا تبصرہ گھلو