مصر فرانس توں4ارب50کروڑ ڈالردے30رافیل طیارے خریدے گا

انقرہ( پنجابی میڈیا گروپ) مصر نے فرانس توں ساڑھے چار ارب ڈالر وچ30رافیل لڑاکا جیٹ طیارے خریدن دا معاہدہ کیتا اے۔
عالمی خبر رساں ادارے دے مطابق مصر، فرانس توں30رافیل جیٹ طیارے ساڑھے چار ارب ڈالر وچ خریدے گا جس لئی دوناں دے درمیان معاہدہ ہو گیا اے۔ معاہدے اُتے اتفاق دی تصدیق مصر دے وزارت دفاع نے وی کیتی اے۔
معاہدے دے مندرجات نوں اپریل دے آخر وچ حتمی شکل دے دتی گئی سی تے اج معاہدے اُتے دستخط ہو گئے نیں۔ معاہدے بارے ہور تفصیل چھیتی دس دتی جائے گی۔ فرانس2013توں2017تک مصر نوں اسلحہویچن والا اک وڈا ملک رہیا اے۔
رائٹراں دعوی کیتا اے کہ دوناں ملکاں دے درمیان سمجھوتے وچ میزائل مہیا کرن والیاں کمپنیاں ایم بی ڈی اے تے دفاعی آلات فروخت کرن والی فرم سفران الیکٹرانکس اینڈ ڈیفنس دے نال20کروڑ یورو دی مالیت دے ٹھیکے وی شامل نیں۔