فردوس عاشق تے اے سی سیالکوٹ وچ تلخ کلامی دے واقعے دی رپورٹ تیار، قصور وار کون؟

لہور( پنجابی میڈیا گروپ)معاون خصوصی فردوس عاشق تے اے سی سیالکوٹ سونیا صدف دے درمیان تلخ کلامی دی رپورٹ وزیراعلی پنجاب نوں گھل دتیگئی۔ذرائع دے مطابق فردوس عاشق اعوان تے سونیا صدف دے درمیان تلخ کلامی دے واقعے دی تحقیق لئی وزیراعلی پنجاب دی ہدایت اُتے جوائنٹ انویسٹی گیشن ٹیم تشکیل دتی گئی سی، ایس ٹیم نے ابتدائی رپورٹ وچ سونیا صدف نوں قصوروار قرار دتا اے۔ذرائع دے مطابق ابتدائی رپورٹ وچآکھیا گیا اے کہ انتظامی طور اُتے رمضان بازار وچ اے سی سیالکوٹ دی کوتاہی نظر آئی، شیواں دا معیارچیک کرن دی بجائے اوہ اپنی گڈی وچ بیٹھی رہی۔رپورٹ میں آکھیا گیا اے کہ فردوس عاشق تے اسسٹنٹ کمشنر دے درمیان سخت تکرار دی وجہ سونیا صدف دا رویہ سی، سستے رمضان بازار وچ ناقص پھل موجود سن جد کہ چینی لئی وی بزرگاں نوں پریشانی دا ساہمنا کرنا پہ رہیا سی۔