30 سال حکومت کرن والے حساب دین نوں تیار نہیں، شور مچایا ہوئیا اے: وزیراعظم

لہور( پنجابی میڈیا گروپ)وزیراعظم ہوراں آکھیا کہ پی ڈی ایم دے نام توں یونین بنی، سب اکٹھے ہوئے،30سال حکومت کرن والے حساب دین نوں تیار نہیں، شور مچایا ہوئیا اے، طاقتور نوں قنون دے تابع لیانا ساڈی ذمہ داری اے۔
لہور وچ آہستہ آہستہ کچی آبادیاں بندیاں ویکھیاں، لہور وچ سوسائٹیاں بننا شروع ہوگیاں، غریباں دا کسی نے نہیں سوچیا، آدھا کراچی کچی آبادی اُتے بنیا اے کراچی دے لوگ بتی دے کنکشن لئی رشوت دیندے نیں۔
وزیراعظم نے آکھیا کہ کمزور نوں اوپر اٹھان لئی ریاست نے ذمہ داری لینی اے، گھٹ لاگت ہائوسنگ سکیم لیان وچ2سال مشکلاںدا ساہمنا کرنا پئیا، فور کلوژرلا دی وجہ نال بینک قرض نہیں دیندا سی، بھارت ورگے ملک وچ گھراں لئی10فیصد قرض دتا جاندا اے، یورپ، امریکا وچ80فیصد لوکاں نوں گھراں لئی قرض دیا جاندا اے، حکومت ہر گھر اُتے3لکھ روپے سبسڈی دے رہی اے۔