اداکارہ ثمینہ پیرزادہ نے پاکستانی طرزِ حکومت نوں ‘سرکس’ ونگوں آکھ دتا

کراچی( پنجابی میڈیا گروپ)سینئر اداکارہ تے میزبان ثمینہ پیرزادہ پاکستان دے طرزِ حکومت توں تنگ آگئیں تے ایستوں سرکس دا نام دے دتا۔
ثمینہ پیرزادہ نے ٹوئٹر اُتے پاکستان وچ موجود کئی سالاں پرانی اک دُوجے اُتے الزام تراشی کرن تے اپوزیشن ولوںحکومت دا تختہ الٹان دیاں کوششاں دی سیاسی روایت بارے اپنے خیالاںدا اظہار کیتا اے۔
اداکارہ ثمینہ پیرزادہ نے اپنے ٹویٹ وچ سوال پچھدے ہوئے لکھیا کہ کیا ایہ جمہوریت اے ؟ ساہنوں الکشناں دا انتظار کیوں نہیں کرسکدے۔ اوہناں لکھیا کہ پاکستانی عوام نوں ہر پانچ سال بعد حکومت دے الکشناں لئی فیصلہ کرن دین۔ ثمینہ پیرزادہ نے ہور لکھیا کہ میں ایس سرکس توں تنگ آگئی آں۔