پاکستان نے افغانستان لئی اپنی فضا تے زمین استعمال کرن دی اجازت دے دتی، پینٹاگون

( پنجابی میڈیا گروپ)امریکی محکمہ دفاع پینٹاگون دے حکام نے دعوی کیتااے کہ پاکستان نے امریکی فوجاں نوں افغانستان وچ موجودگی برقرار رکھن وچ مدد دین لئی فضائی حدود تے زمین استعمال کرن دی اجازت دے دتی اے۔
ایس گل دا دعوی انڈو پیسفیک افیئرز لئی امریکی نائب وزیردفاع ڈیوڈ ایف ہیلوے نے پچھلے ہفتے امریکی آرمڈ سروسز کمیٹی نوں بریفنگ وچ کیتا۔
رپورٹ دے مطابق ڈیوڈ ہیلوے دا کہنا سیکہ امریکا پاکستان نال مذاکرات جاری رکھے گا کیونکہ افغانستان وچ امن قائم کرن لئی پاکستان دا کردار بہت اہم اے۔بائیڈن نے یکم مئی توں افغانستان نال امریکی فوجاں دے انخلا دا اعلان کردتا۔
ڈیوڈ ہیلوے نے دسیا کہ پاکستان نے افغانستان وچ امریکی موجودگی وچ مدد لئی پاکستان دے اوپر فلائٹ تے زمین دے استعمال دی اجازت وی دے دتی اے۔