ہر گیند اُتے موٹرسائیکل دیاں گا، زلفی بخاری نے شعیب اختر دا چیلنج قبول کرلیا

لہور( پنجابی میڈیا گروپ)وزیراعظم عمران خان دے سابق معاون خصوصی زلفی بخاری تے سابق کرکٹر شعیب اختر دے درمیان دلچسپ گل بات ہوئی ۔
کجھ دن پہلاں شعیب اختر نے اداکار تے میزبان فہد مصطفی نوں ٹوئٹر اُتے چیلنج دتا سی کہ’اگر اوہ شعیب دیاں6گینداں کھیڈلینگے تے انعام وچ اوہناں نوں موٹرسائیکل دتی جائے گی۔
فہد نوں دتا گیا ایہ چیلنج زلفی بخاری نے قبول کرلیا تے اپنی ٹوئٹ وچ لکھیا کہ میں تہاڈا چیلنج قبول کراں گا۔
زلفی دی ٹوئٹ دا جواب دیندیاں ہوئیاں شعیب اختر نے آکھیا کہ ایہ ویکھو،ایتھے اک ہور چیلنج کرن والے آگئے، خیریت اے؟’شعیب دی ایس ٹوئٹ اُتے زلفی بخاری نے ردعمل لکھیا کہ ‘جی ہاں، ایتھے سب خیریت اے دوست،میں سنجیدہ آن، میں تہاڈی ہر گیند نوں مس کردئیاں گا تے فیرانعام وچ ملن والی موٹرسائیکل عطیہ کردئیاں گا’۔

اپنا تبصرہ گھلو