ہانیہ عامر نے معافی منگ لئی

لہور( پنجابی میڈیا گروپ)اداکارہ ہانیہ عامر نے گلوکار عاشر وجاہت نال ویڈیو وائرل ہون اُتے تنقید دی زد وچ آن توں بعد معافی منگ لئی۔
اداکارہ نے کجھ دن پہلاں انسٹاگرام اُتے اک لمبی پوسٹ شیئر کیتی جس وچ اوہناں نے لکھیا کہ میری شکایت انٹرنیٹ اُتے ہراساں تے ڈران دھمکان دیخلاف اے، میری شکایت اوہناں لوکاں دے خلاف اے جیہڑیاں عورتاں نوں جنسی طور اُتے ہراساں کیتے جان نوں مذاق وچ لیندے نیں۔
ہانیہ عامر نے لکھیا کہ اسیں بطور نسل اگلی نسل لئی راہواں ہموار کرن دے ذمہ دار آں، اسیں کیہ کردے آں ، کس طرح عمل کردے آں تے شیواں نال کس طرح نمٹدے آں ایہ آن والے وقت وچ مثال قائم کریگا لہذا ضروری اے کہ اسیں بحیثیت نسل ، بحیثیت عوام تے بحیثیت انسان اپنی ذمہ داریاں دا ادراک کرو ۔