حکومت نے عوام نوں تکلیف دے سوا کجھ نہیں دتا: شاہد خاقان عباسی

اسلام آباد( پنجابی میڈیا گروپ)شاہد خاقان عباسی نے آکھیا اے کہ ملک وچ بتی ہے نہیں،ریٹ ودھا دتے گئے، فرنس آئل اُتے چلن والے پلانٹس ڈیزل اُتے چلائے جا رہے نیں، گردشی قرضہ150فیصد ودھ گیا،حکومت نے عوام نوں تکلیف دے علاوہ کجھ نہیں دتا، حکمراناں دی نااہلی تیکرپشن نے پورا ملک تباہ کر دتا۔
اسلام آباد وچ مسلم لیگ ن دے پارٹی سیکرٹریٹ وچ نیوز کانفرنس کردئیاں ہوئیاں سینئر نائب صدر مسلم لیگ ن شاہد خاقان عباسی دا کہنا سی کہ حکومت دے اکنامک سروے زیادہ ضرورت نہیں کیونکہ ملک دی عوام اج بتی دی بدترین لوڈ شیڈنگ دا شکار نیں، سارے اسلام آباد دے سکولاں وچ بال بے ہوش ہو رہے نیں، دارالحکومت دا ایہ حال اے باقی ملک وچ کیہ ہوئے گا ؟ حکومت نااہل اے تے وزارت توانائی وچ7ویں وزیر مقرر کیتے جاچکے نیں۔