چینی اسکینڈل، ایف آئی اے دا جہانگیرترین تے شہبازشریف نوں گرفتار نہ کرن دا فیصلہ

لہور( پنجای میڈیا گروپ) ایف آئی اے نے جہانگیر ترین ،اوہناں دے بیٹے علی ترین،شہباز شریف تے حمزہ شہباز نوں گرفتار نہ کرن دا فیصلہ کیتا اے۔
میڈیا دے مطابق ایف ائی اے نے اپنی تحقیقاتی رپورٹ وزیراعظم دے مشیر برائے احتساب شہزاد اکبر نوں گھل دتی اے تے ہن جہانگیر ترین، شہباز شریف سنے ہوراں شوگر مل مالکاں دے خلاف کارروائی ایف آئی اے دی بجائے فیڈرل بورڈ آف ریونیو (ایف بی ار)کرے گا۔ایف آئی اے نے ایس حوالے نال تفصیلی رپورٹ مکمل کیتی جس دے مطابق شوگر مل مالک سٹہ بازی وچ ملوث پائے گئے نیں تے100ارب روپے توں ودھ دی رقم چینی دی سٹہ بازی دے زریعے کمائی گئی جد کہ چینی دی ذخیرہ اندوزی وچ وی شوگر مل مالک ملوث نیں جد کہ جہانگیر ترین،حمزہ شہباز،شہباز شریف،خسرو بختیار سنے ہور شوگر مل مالکاں دے کیش بوائے تے سٹہ باز بروکر وی اک ہی نکلے۔ایف آئی اے زرائع دا کہنا اے کہ جد تحقیقات مکمل ہوگیاں تے ضروری نہیں کہ گرفتار وی کیتا جائے، سارے ریکارڈ تے تحقیقاتی رپورٹ ڈی جی ایف آئی اے سنے شہزاد اکبر نوں وی فراہم کر دتی گئی اے،