ملک معاشی مضبوطی ول جا رہیا اے، وزیراعظم

اسلام آباد( پنجابی میڈیا گروپ)وزیراعظم عمران خان دا کہنا اے کہ ملک معاشی لحاظ نال مضبوطی ول جا رہیا اے، ایس استحکام نوں برقرار رکھن تے تیز ترین معاشی ترقی لئی سرمایہ کاری اہم ترین جزو اے۔میڈیا دے مطابق وزیراعظم عمران خان دی زیر صدارت سرمایہ کاری تے کاروبار وچ درپیش رکاوٹاں نوں دور کرن دے حوالے نال جائزہ اجلاس ہوئیا، جس وچ معاونین خصوصی ڈاکٹر معید یوسف،ڈاکٹر شہباز گل،متعلقہ وزارتاں دے سیکریٹریاں رلت کیتی، جد کہ چیئرمین نیپرا تے چاراں صوبیاں دے چیف سیکریٹریاں تے افسراں نے بذریعہ ویڈیولنک رلت کیتی۔سیکرٹری سرمایہ کاری بورڈ نے اجلاس نوں اوہناں سارے اقدامات دے بارے توں آگاہ کیتا جیہڑے سرمایہ کاری تے کاروبار وچ رکاوٹاں نوں ختم کرن لئی کیتے گئے نیں۔ اینہاں اقدامات وچ قنون وچ ترامیم، ٹیکس وصولیاں دے طریقہ کار وچ آسانی، ہوراں محکمیاں توں این اوسی دے چھیتی لین دے طریقہ نوں آسان بنانا، غیر ضروری تے پرانے ضابطہ کار وچ ترامیماں شامل نیں۔