اللہ توں دعا اے کہ میں پردے دی عزت کرسکاں

لہور( پنجابی میڈیا گروپ)معروف ماڈل و اداکارہ حمائمہ ملک ہوراں آکھیا کہ اوہ اینج دی زندگی بس کرنا چاہندی اے جیتھے پردے دی عزت کراں تے ایس نوں لے وی سکاں۔حمائمہ ملک نے اپنی بہن دعا ملک دے نال نجی ٹی وی دے اک پروگرام وچ رلت کیتی جیتھے میزبان نے حمائمہ،دعا تے فیروز دی بدل دی زندگی بارے گل بات کیت۔دعا ملک دا اپنے بارے وچ آکھیا کہ مینوں پر دہ کر دئیاں دو سال ہوگئے ، زندگی وچ انسان نوں رہنمائی اک انسان دی شکل وچ ملدی اے تے بس مینوں وی اوہ انسان ملیا جس توں بعد میری زندگی بدل گئی۔ایس موقع اُتے حمائمہ نے آکھیا کہ میرے اندر وی اک ٹھہرا آیا اے،مینوںڈاکٹر جاوید میرے مرشد دے طور اُتے ملے جنہاں نال ملاقات توں بعد زندگی اندر بہت تبدیلیاں ہوئیاں۔حمائمہ نے ہورآکھیا کہ اللہ پاک مینوں اتنا جذبہ تے طاقت دیوے کہ میں زندگی دے کجھ اہم فیصلے کرن توں بعد زندگی دے اوس مقام اُتے پہنچاں جیتھے میں پردہ دی عزت کرسکاں تے حجاب پہن سکاں۔