روس توں میزائل خریدن توں پیچھے نہیں ہٹاں گے، ترکی

انقرہ( پنجابی میڈیا گروپ)ترکی دے صدر دا کہنا اے کہ امریکی صدر نوں روس توں میزائل خریدن دے معاملے اُتے واضح جواب دتا اے۔غیر ملکی خبر رساں ادارے دے مطابق آزربائیجان توں واپسی اُتے میڈیا نال گل بات کر دئیاں ترک صدر رجب طیب اردگان ہوراں آکھیا کہ امریکی صدر جوبائیڈن نال ملاقات وچ واضح کردتا اے کہ ترکی روسی ساختہ میزائل(S-400)دی خریدن دے معاملے اُتے اپنے موقف توں کسی صورت پیچھے نہیں ہٹے گا جد کہ ایس سال دے آخر وچ افغانستان توں امریکا تے نیٹو فوجاںدے انخلا توں بعد ترکی نوں ذمہ داریاں ملن دا امکان اے۔