عوام کی خدمت لئی دن رات اک کراں گے: عثمان بزدار

لہور( پنجابی میڈیاگروپ)وزیراعلی عثمان بزدار نے آکھیا اے کہ عوام دی خدمت لئی تقریراں یا بھاشن نہیں بلکہ عوام دے نال کھڑا ہونا پیندا اے، خودنمائی تے خودستائش وچ مبتلا بے ربط تقریراں کرن دے سوا کجھ نہیں کر سکدے۔وزیراعلی پنجاب عثمان بزدار نے اپنے بیان وچ آکھی گیا اے کہ بے مقصد تقریراں نال قوم دی خدمت نہیں ہندی،پارلیمنٹ وچ رام کہانی سنا کے قوم دا قیمتی وقت ضائع کیتا گیا،قوم نوں کجھ پتہ نہیں چلیا کہ ایہ بجٹ اُتے بحث دا آغاز سی یا خود نمائی دی جھوٹی داستان، نام نہاد لیڈر اج وی اوہی بھاشن دے رہے نیں جیہڑی اوہ پہلاں وی دیندے آئے۔عثمان بزدار دا کہنا سی کہ بہترین تے عوام دوست بجٹ اُتے اوہناں دی مایوسی تے بے بسی سب دے ساہمنے عیاں سی،خلوص نیت نال عوام دی خدمت کر رہے نیں تے عوام دے نال کھڑے نیں۔