اپوزیشن دے رنگ پسٹن کمزور نیں، شیخ رشید

ا سلام آباد(پنجابی میڈیا گروپ )وفاقی وزیر داخلہ شیخ رشید احمد نے آکھیا اے کہ اپوزیشن دے رنگ پسٹن کمزور، کچرا دے نال بھرے پے نیں، پچھلے تن دیہاڑیاں وچ جو کجھ ہویا اوہ جمہوریت لئی چنگا نہیں اے۔ وفاقی پلس مزہ کرن والے نوں نہیں سپلائرزنوں پھڑن۔ بوہت جلد مری دے رستیاں توں ناکے ختم کردیاں گے۔ ایہناں خیالات دا اظہار اوہناں نے ایگل اسکواڈ دی افتتاحی تقریب دے نال خطاب کردیاں ہویاں کیتا۔وزیر داخلہ نے آکھیا کہ اسلام آباد پلیس دی تاریخ دا اہم ترین دن اے150موٹرسائیکل اتے مشتمل ایگل اسکوارڈ لے آیا گیا اے۔ اسلام آباد توں جرائم دا مکمل خاتمہ ساڈا مشن اے۔ وزیراعظم عمران خان نے آکھیا امن وامان ہووے تے سرمایہ وی آئوندا ے۔ آئی جی اسلام آباد نوں مخاطب کردیاں ہویاں آکھیا اے کہ وفاقی دارالحکومت نوں نشہ توں پاک کرن، انج نہیں کہ پین والیاں نوں پھڑن بلکہ سپلائرزنوں گرفت وچ لے آنا چاہیدا ے۔ جس دن بل پاس ہوگیا فیر ضرورت منداں نوں لائسنس فراہم کراں گے۔ وفاقی وزیرداخلہ شیخ رشید نے مزیدآکھیا اے کہ نالا لئی لئی 55ارب روپے منظور ہو گئے نیں جس دن مکمل ہو گیا شیخ رشید سلیوٹ مارے گا۔