بالاں نوں چنگی تعلیم دینا حکومت دا منشور اے: فردوس عاشق اعوان

لہور (پنجابی میڈیا گروپ) معاون خصوصی اطلاعات پنجاب ڈاکٹر فردوس عاشق اعوان نے آکھیا اے کہ ہر بچے نوں چنگی تعلیم دی فراہمی حکومتی منشور اے۔ صوبائی بجٹ وچ تعلیم لئی مجموعی طور تے 442 ارب روپے رکھے گئے نیں۔ اپنے بیان وچ فردوس عاشق اعوان نے مزیدآکھیا کہ پچھلے بجٹ دی نسبت تعلیم دے بجٹ وچ 51 ارب روپے دا اضافہ کیتا اے۔ اوہناں نے مزیدآکھیااے کہ اوہ ویلا دور نہیں جدوں پنجاب دا ہر بچہ تے نوجوان چنگی تعلیم دے زیور دے نال آراستہ ہووے گا۔ معاون خصوصی نے مزیدآکھیااے کہ تعلیم حاصل کرکے نوجوان گالی نوں کلچر آکھن والے سیاستداناں دی غلامی توںآزاد ہون گے۔ فردوس عاشق اعوان نے آکھیا کہ مستقبل دے معماراں نوں چنگی تعلیم دی فراہمی وزیراعظم عمران خان دی قوم دے نال کمٹمنٹ اے۔