افغانستان دی قیادت جامع مذاکرات نال مسئلے دا سیاسی حل کڈن:وزیرخارجہ

انقرہ( پنجابی میڈیا گروپ)وفاقی وزیر خارجہ مخدوم شاہ محمود قریشی نے آکھیاکہ افغانستان دی قیادت جامع مذاکرات دے ذریعے افغان مسئلے دا سیاسی حل تلاش کرن، امن مخالف سپائیلرز دی پسپائی لئی بین الافغان مذاکرات دا نتیجہ خیز ہونا ناگزیر اے۔تفصیل دے مطابق وزیر خارجہ مخدوم شاہ محمود قریشی دی انطالیہ سفارتی فورم دے موقع اُتے افغانستان دی اعلی کونسل برائے قومی مفاہمت دے چیئرمین عبداللہ عبداللہ نال ملاقات ہوئی۔ دوناں رہنماواں دے درمیان دوران ملاقات وچ دو طرفہ تعلقات تے افغان امن عمل سنے باہمی دلچسپی دے اُمور اُتے تبادلہ خیال کیتا گیا۔وزیر خارجہ نے چیئرمین افغان اعلی کونسل برائے قومی نوں ستمبر2020 وچ کیتے گئے پاکستان دے کامیاب دورے دا حوالہ دیندیاں ہوئیاں آکھیاکہ اسیں بلا تخصیص سارے افغان قیادت نال رابطے دے متمنی آں تاکہ افغان امن عمل تے دوطرفہ تعلقات بہتر انداز وچ اگے ودھ سکن۔