بلوچستان دا584ارب دا بجٹ پیش،تنخواہواں10فیصد ودھ گیاں

کوئٹہ( پنجابی میڈیا گروپ)بلوچستان اسمبلی وچ صوبائی وزیر خزانہ میر ظہور احمد بلیدی نے ایس مالی سال لئی584ارب روپے دا بجٹ پیش کردتا۔ بلوچستان اسمبلی دے باہر اپوزیشن ولوں بھرپور ہنگامہ آرائی دے باجود صوبائی وزیر خزانہ میر ظہور احمد بلیدی نے ایس مالی سال دا بجٹ پیش کردتا۔ بجٹ تقریر کردئیاں ہوئیاں صوبائی وزیر خزانہ نے آکھیا کہ آئندہ مالی سال لئی بلوچستان بجٹ دا کل حجم584ارب روپے اے جس وچ ترقیاتی بجٹ دا تخمینہ179ارب19کروڑ روپے اے، بجٹ خسارے دا تخمینہ84.7ارب روپے لگایا گیا اے۔ترقیاتی بجٹ دا تخمینہ179ارب19کروڑ روپے اے وزیرخزانہ بلوچستان نے آکھیا کہ جاری اسکیماں لئی112ارب54کروڑ روپے رکھ دتے گئے نیں تے نویاں ترقیاتی اسکیماں لئی76 ارب65کروڑ روپے رکھ دتے گئے نیں۔ شاہراہواں اُتے ایمرجنسی سینٹر دا قیام عمل وچ لیایا جا رہیا اے،بولان میڈیکل کالج وچ2 ہاسٹلاںدی تعمیرلئی20کروڑ روپے رکھندی تجویز اے۔ کورونا نال نمٹن لئی3.6ارب روپے رکھ دتے گئے وزیرخزانہ دا کہنا سی کورونا نال نمٹن لئی3.6ارب روپے مختص کرن دی تجویز دتی گئی اے، ڈاکٹراں، طبی عملے دیاں رہائشگاہواں لئی10کروڑروپے رکھدتے گئے نیں تے سارے سرکاری ہسپتالاں وچ پرچی سسٹم ختم کردتا گیا اے۔صوبائی وزیر نے آکھیا کہ بلوچستان لئی ہیلتھ کارڈ اسکیم لائی جارہی اے،ہیلتھ کارڈ نال18لکھ75ہزارخانداناں نوںعلاج دی سہولت ملے گی تے سارے بندیاں نوں 10لکھ روپے تک مفت علاج میسرہوئے گا، ہیلتھ کارڈ اسکیم لئی5.914ارب روپے رکھن دی تجویز اے۔ بجٹ وچ کوئی نوا ٹیکس نہیں لگایا گیا وزیرخزانہ دا کہنا سی کہ بجٹ وچ کوئینوا ٹیکس نہیں لگایا گیا ، نویں مالی سال وچ5ہزارنویاں آسامیاں رکھیاں گئیاں نیں، سرکاری ملازماں دیاں تنخواہواں10فیصد ودھا دتیاں گیاں،تعلیم لئی71ارب روپے رکھ دتے گئے نیں تے صحت لئی38ارب روپے رکھے گئے نیں جد کہ امن وامان لئی52ارب روپے رکھے گئے نیں۔