عالمی برادری مسئلہ افغانستان دے حل لئی کوششاں تیز کرے، شاہ محمود قریشی

اسلام آباد(پنجابی میڈیا گروپ ) وزیرخارجہ شاہ محمود قریشی نے آکھیا اے کہ عالمی برادری مسئلہ افغانستان دے دیرپا سیاسی حل لئی کاوشاں تیز کرے،مہاجرین دے میزبان ملکاں دی ذمہ داریاںونڈنا ہون گیاں۔ پاکستان دنیا وچ سبھ توںزیادہ مہاجرین دی میزبانی کرن والے ملکاں وچوںاک اے۔ عالمی یوم پناہ گزین اتے گل بات کر دیاں ہویاں وزیر خارجہ شاہ محمود قریشی داآکھنا سی کہ پاکستان اج دے دن دے مناسبت دے نال عالمی برادری دے نالکھڑیا اے کرونا وباء دے باعث عوامی صحت سماجی ومعاشی چیلنجز دے پس منظر وچ ایہہ دن منایا جارہیا اے۔ موجودہ چیلنجز نے بوجہ تشدد تے تنازعات، بے گھر افراد دی مشکلاں ودھائیاں نیں۔ وزیرخارجہ نے مزیدآکھیا اے کہ سانوں تنازعات دے شکارامور دا جائزہ لے کے تنازعات دی روک تھام دا پیغام دینا اے۔ سانوں امن وچ سرمایہ کاری ،تنازعات نوں روکن، حل لئی اقدامات کرنا ہون گے۔ سانوں مہاجرین دے تحفظ لئی مشترکہ عزم دااعادہ کرنا ہووے گا۔ شاہ محمود قریشی ہوراں نے آکھیا کہ پاکستان نے چاردہائیاں توں زیادہ پناہ گزیناں دا بھرپور تحفظ کرکے مثال قائم کیتی ۔