سندھ: جمہوریت دے ناں اتے ڈکٹیٹر شپ نافذ اے، فواد چوہدری

کراچی ( پنجابی میڈیا گروپ )وفاقی وزیر فواد چوہدری نے آکھیا اے کہ جدوں وی جمہوری سوچ دی گل آئی اے پیپلزپارٹی ایہدی مخالف کھڑی نظر آئوندی اے۔ سندھ وچ جمہوریت دے ناں اتے ڈکٹیٹر شپ نافذ اے۔کراچی پریس کلب وچ اک تقریب دے نال خطاب کردیاں ہویاں وفاقی وزیر نے آکھیا کہ وزیراعظم عمران خان سبھ توں پہلے غیر جانبدار امپائر لے کے آئے، اینج دا میکانزم بنایا کہ جہدے وچ اینج دے امپائر لے آئے جہناں اتے سبھ نوں اعتبار تے اعتماد ہووے۔ اوہناں نے مزیدآکھیا اے کہ ایہوی کم اوہ انتخابات وچ کرنا چاہندے نیں۔ ہر الیکشن دے بعد شکست کھان والا نتائج تسلیم کرن توں انکار کردیندا اے۔ تے ہر الیکشن متنازع ہوندا اے تے کیوں نہ اینج دانظام وضع کیتا جاوے کہ جہدے وچ ہارن والا تے جیتن والا دوواں نتائج نوں تسلیم کرن۔ فواد چودھری نے مزیدآکھیا اے کہ ایس سلسلے وچ اسیں 49 نکات اتے مشتمل مسودہ پچھلے اکتوبر وچ پارلیمان وچ جمع کروایاپر بدقسمتی دے نال ایہدے اتے اپوزیشن دی تجاویز تے موقف جہڑا کہ پارلیمنٹ وچ آنا چاہیدا سی اوہ آل پارٹیز کانفرنس وچ پیش کیتے جان دی گل سن رہے آں۔ اوہناں نے مزیدآکھیا اے کہ وں وی جمہوری سوچ دی گل آئی اے پیپلزپارٹی ایہدی مخالف کھڑی نظر آئوندی اے۔ سندھ وچ جمہوریت دے ناں اتے ڈکٹیٹر شپ نافذ اے۔وفاقی وزیر نے آخر وچ آکھیا کہ پارلیمان دے بار غیر منتخب افراد مثلاً مولانا فضل الرحمن ورغے لوکائی نظام نوں پلٹنا چاہندے نیں ایہناں اتے انحصار کرکے پارلیمان نوں کمزور کیتا جاوے گا تے جمہوریت کمزور ہو وے گی۔