وزیراعظم عمران خان دا کوئی ذاتی تے سیاسی ایجنڈا نہیں، چوہدری محمد سرور

لہور( سٹی رپورٹر) گورنر پنجاب نے پنجاب آب پاک اتھارٹی دے 1538 منصوبیاں دا اعلان کردیاں ہویاں آکھیا اے کہ ایہناں منصوبیاں اتے 5500 ملین روپے خرچ ہون گے۔گورنر پنجاب چوہدری محمد سرور نے لہور وچ صوبائی وزراء تے اراکین صوبائی اسمبلی دے اعزاز وچ استقبالیہ دتا، جہدے وچ ڈپٹی اسپیکر پنجاب اسمبلی سردار دوست مزاری تے مشیر اطلاعات ڈاکٹر فردوس عاشق اعوان سنے صوبائی وزراء نعمان لنگڑ یال، فیاض الحسن چوہان، عنصر مجید نیازی، اجمل چیمہ، ظہیر الدین، میاں محمود الرشید، حسین جہانیاں گردیزی، ڈاکٹر اختر ملک تے میاں خالد محمود نے شرکت کیتی۔چیئرمین پنجاب آب پاک اتھارٹی ڈاکٹر شکیل نے صوبائی وزراء تے اراکین اسمبلی نوں منصوبیاں اتے بریفنگ دتی،گورنر پنجاب چوہدری محمد سرور نے پنجاب آب پاک اتھارٹی دے اک ہزار 538 منصوبیاں دا اعلان کردیاں ہویاں آکھیا اے کہ پنجاب دے 9 ڈویڑن وچ ایہناںاتے منصوبیاں اتے 5500 ملین روپے خرچ ہون گے۔چوہدری سرور نے مزیدآکھیا کہ وزیر اعظم عمران خان دا کوئی ذاتی تے سیاسی ایجنڈا نہیں اوہ ملکی ترقی تے خوشحالی چاہندے نیں۔مخالفین سیاسی مجبوری دی وجہ توں حکومتی منصوبیاں نو ںتنقید دا نشانہ بناندے نیں۔