احتساب دے ناں اُتے ڈرامہ انتقام وچ بدل چُکیا اے : سراج الحق

لہور(پنجابی میڈیا گروپ)امیرِ جماعتِ اسلامی پاکستان سراج الحق داآکھنا اے کہ اپوزیشن نوں دبان لئی نیب نوں استعمال کیتا جارہیا اے۔ احتساب دے ناں اتے ڈرامہ انتقام وچ بدل چکیا اے۔اوہناں نے آکھیا اے کہ ایہہ کیویں جا احتساب اے جہڑا سرکار وچ اے۔ ایہناں دا احتساب نہیں ہوندا، نیب نوں چین، ادویات تے آٹے دے سکینڈل اتے وی نوٹس لینا چاہیدا اے۔ اوہناں نے مزیدآکھیا اے کہ مسلماناں نوںتقسیم کرکے نشانہ بنایا جارہیا اے۔ ملک مشکل حالات توں لنگ رہیا اے۔ علمائے کرام نوں کردار ادا کرنا ہووے گا۔ سراج الحق ہوراں نے مزیدآکھیا اے کہ نون لیگ، پی پی تے پی ٹی آئی دا ایجنڈا عالمی مالیاتی اداریاں دا ایجنڈا اے، آئی ایم ایف دی شرائط اتے بنایا گیا بجٹ پیش کیتا گیا۔امیرِ جماعتِ اسلامی نے آکھیا اے کہ موجودہ سرکارنے لوکائی نوں دھوکہ دتا اے۔