شنیرا اکرم نے منال خان نوں کھریاں کھریاں سنادتیاں

کراچی( پنجابی میڈیا گروپ)سابق کپتان وسیم اکرم دی گھر والی شنیرا اکرم نے منال خان تے اوہناں دے منگیتر نوں ٹریفک قنون دی خلاف ورزی کرن تے غیر ذمہ داری دا مظاہرہ کرن اُتے کھریاں کھریاں سنادتیاں۔
منال خان نے کجھ دن پہلاں اپنے انسٹاگرام اکائونٹ اُتے اک ویڈیو شیئر کیتی سی جس وچ اوہ تے اوہناں دے منگیتر احسن محسن اکرام گڈی وچ کدھرے جارہے سن۔احسن گڈی چلا ن دئیاں ہوئیاں منال خان دی ویڈیو بنارہے ہندے نیں تے اوہناں نوں کہندے نیںکہ ساڈے لئی اک گانا گائو۔
منال خان تھوڑا سوچ کے بالاں نوں مقبول گانا بے بی شارک گانا شروع کردیندی اے۔لیکنگڈی وچ ڈرائیونگ دے دوران منال خان نے سیٹ بیلٹ نہیں بنھی سی۔سوشل میڈیا صارفین نے منال خان دی ایس ویڈیونوں خاصا پسند کیتا سی تے اوہناں نوں کیوٹ قرار دتا سی۔