امریکا نے کدی پاکستان وچ فوجی اڈے نہیں منگے:مغربی سفارتکار

اسلام آباد( پنجابی میڈیا گروپ)مغربی سفارت کاراں دا کہنا اے کہ امریکا نے کدی پاکستان وچ فوجی اڈے نہیں منگے، پاکستان وچ ایہ مسئلہ توجہ دا مرکز بنیا ہوئیا اے جس اُتے واشنگٹن وچ سب نوں حیرانی اے۔تفصیل دے مطابق مغرب دے سفارت کاراں دا کہنا اے کہ امریکا نے پاکستان وچ کدی فوجی اڈے نہیں منگے،مغرب دے اک سینئر سفارت کار دا اپنا نام ظاہر نا کرن دی شرط اُتے کہنا اے کہ امریکی انتظامیہ وچ کوئی اک وی اینج نہیں اے جس نے فوجی اڈے دی درخواست کیتی ہو لیکن ایس دے باوجود ایہ مسئلہ پاکستان وچ توجہ دا مرکز بنیا ہوئیا اوہناں دا کہنا سی کہ پاکستان وچ ایس مسئلے اُتے بحث تے ہیش ٹیگ ایبسولیوٹلی نوٹ مہم دی وجہ توں واشنگٹن وچ سب حیران نیں۔ وزیراعظم دا افغانستان وچ کارروائی لئی امریکا نوں اڈے دین توں صاف انکار پاکستان دے فوجی اڈے امریکا نوں دین دا سوال ہی پیدا نہیں ہندا، باوثوق ذرائع دے مطابق امریکا نے باضابطہ طور اُتے فوجی اڈیاں بارے چلائی جان والی ایس مہم اُتے اپنے تحفظات توں اسلام آباد نوں آگاہ کردتا اے۔پچھلے کجھ مہنیاں دے دوران جس طرح ہی امریکی فوج دے افغانستان توں انخلا دی تریخ نیڑے آئی،پاکستان دے پالیسی سازاں دے درمیان ایہ بحث شروع ہوگئی کہ امریکا نے مبینہ طور اُتے پاکستان وچ فوجی اڈیاں دی درخواست کیتی اے۔نیویارک ٹائم دی حالیہ رپورٹ دے مطابق سی آئی اے دے ڈائریکٹر ولیم جے برنس نے پاکستانی افواج دے سربراہ تے آئی ایس آئی دے سربراہ توں ایس موضوع اُتے براہ راست گل کیتی سی۔لیکن گل بات وچ ایس وقت تعطل آیا جد امریکی حکام نوں ایہ محسوس ہوئیا کہ اوہناں دے پاکستانی ہم منصب ہچکچاہٹ دا شکار نیں،مئی دے مہینے وچ وزیرخارجہ شاہ محمود قریشی نے پارلیمنٹ وچ اعلان کیتا کہ وزیراعظم عمران خان جد تک اقتدار وچ نیں اوس وقت تک امریکا نوں کوئی فوجی اڈہ بنان دی اجازت نہیں دتی جائے گی۔لیکن دی نیوز نال گل بات کر دئیاں اک سینئر مغربی سفارت کار دا کہنا سی کہ ایہ ایس گل دا بتنگڑ بنان والی گل اے جیہڑا مسئلہ موجود ہی نہیں اے۔اوہناں نال جد پاکستان وچ پائے جان والے ایس تاثر بارے سوال کیتا گیا کہ امریکا نے افغانستان توں نکلن وچ جلد بازی کیتی اے تے اوہناں دا کہنا سی کہ ایہ دُوجیاں اُتے الزام عائد کرن دا اک حربہ اے جیہڑاکہ افغانستان وچامن و امان دی خراب صورت حال بارے اے۔اک ہور سینئر سفارت کار دا کہنا سی کہ بحث دا مقصد ایہ ہونا چاہیدا کہ طالبان کابل وچ موجودہ حکومت نال سیاسی مفاہمت اُتے بروقت مذاکرات شروع کرن وچ کیوں نکام رہے۔فروری،2020وچ امریکا تے طالبان ولوں دوحہ معاہدے اُتے کیتے گئے دستخط دے تحت امریکا تے اتحادی افواج دا مکمل انخلا14مہنیاں وچ ہونا سی،اگر طالبان کجھ شرطاں پوریاں کردے جناں وچ القائدہ نال تعلقات ختم کرنا تے افغانستان وچ شدت پسند گروپ داعش نوں جگہ دین توں انکار کرنا شامل سی۔لیکن،بین الافغان مذاکرات جیہڑے کہ دوحہ امن مذاکرات دا حصہ سن،تعطل دا شکار ہوئے تے پچھلے اک سال وچ ایس وچ کوئی قابل قدر پیش رفت نہیں ہوئی اے۔پاکستان دے اعلی فوجی تے سول حکام بار بار ایہ کہندے رہے نیںکہ اوہ امریکا دا ذمہ دارانہ انخلا چاہندے نیں۔ اوہناںدا کہنا سی کہ جلد بازی وچ ایتھے جانا طاقت دا خلا پیدا کرے گا جس وی وجہ نالافغانستان اک وار فیر خانہ جنگی دا شکار ہوسکدا اے۔

اپنا تبصرہ گھلو