پاکستان شوبز انڈسٹری وچ بوہت زیادہ منافق لوگ نیں،متھیرا

لہور( پنجابی میڈیا گروپ)اداکارہ متھیرا نے پاکستان شوبز انڈسٹری نال تعلق رکھن والے لوکاں نوں منافق قراردتا اے۔اداکارہ، ماڈل تے وی جے متھیرا کُھلے انداز تے سچیاں گلاں کرن وچ بوہت مشہور نیں۔ کجھ دن پہلاں متھیرا نے نجی ٹی وی چینل دے اک شووچ میزبان اداکار نعمان اعجاز نال گل بات کر دئیاں آکھیا۔متھیرا نے شو وچ پاکستانی شوبز انڈسٹری وچ لوکاں دے رویے تے ایوارڈ شو بارے وی گل کیتی۔
متھیرا نے آکھیا کہ اوہناں نے زندگی وچ اتنی سختی ویکھی تے اُتنیاں ٹھوکراں کھادئیاں نیں کہ ہن اوہناںنوں کسی چیز دا ڈر نہیں رہیا تے اوہ کسی دے وی ساہمنے سچی گل آکھن توں گھبراندی نہیں ۔بلکہ جیہڑا شخص اوہناں نال جس طرح دی گل کردا اے اوہ اوسی طرح اوس نوں جواب دیندی اے۔ متھیرا نے آکھیا کہ خوف صرف خدا دا ہندا اے انسان توں کیہ ڈرنا۔
متھیرا نے پاکستان شوبز انڈسٹری بارے آکھیا کہ ایتھے بہت سارے لوگ ہندے نیںجیہڑے تہاڈے سامنے بہت چنگے بندے نیں لیکن پیٹھ پیچھے تہاڈے بارے عجیب گلاں کر د ے نیں، ایسی طرح ایوارڈ شوز وچ وی لوگ تہاڈے منہ تے تہاڈی تعریف کردے نیں لیکن پیچھے مُڑدیاں ہی اوہناں دے رویے بدل جاندے نیں۔ ایوارڈ شوزدا ماحول بہت زہریلا ہندا جا رہیا اے لہذاوتھے جان توںبہتر اے کہ انسان گھر بیٹھیاوہناں چیزاں نوں نظر انداز کرے۔

اپنا تبصرہ گھلو