ندا ڈار بارے میریاں گلاں نوں غلط انداز وچ لیا گیا:عبد الرزاق

لہور(پنجابی میڈیا گروپ)قومی ٹیم دے سابق آل رانڈر عبدالرزاق نے وویمن کرکٹ ٹیم دی آل رانڈر ندا ڈار اُتے کیتے جان والے تبصرے اُتے وضاحت پیش کردئیاں ہوئیاں آکھیا کہ میریاں گلاں نوں غلط انداز وچ لیا گیا۔واضح رہے کہ نجی ٹی وی دے اک پروگرام دا کلپ سوشل میڈیا اُتے خاصہ وائرل ہوئیا سی جس وچ عبدالرزاق کرکٹر ندا ڈار بارے میزبان نوں کہہ رہے سن کہ تُسی ندا نال ہتھ ملا کے ویکھ لو ایہ ہن کُڑی تے نہیں لگی۔ویڈیو کلپ وائرل ہون توں بعد سوشل میڈیا صارفین نے اوہناں نوں سخت تنقید دا نشانہ بنایا۔