پاکستان کورونا مریضاںدی فہرست وچ اک واری فیر31 ویں نمبر اُتے آگیا

اسلام آباد (پنجابی میڈیا گروپ)پاکستان کورونا مریضاں دے حوالے دے نال مرتب کیتی گئی فہرست وچ اک واری فیئر 31 ویں نمبر اتے آگیا۔نیشنل کمانڈ اینڈ آپریشن سینٹر (این سی او سی) دے اعداد و شمار دے مطابق پاکستان وچ پچھلے 24 گھنٹیا ں دے دوران کورونا وائرس پاروں مزید 1 ہزار 780 کیسز ساہمنے آئے ، مزید 42 افراد موذی وباء دے ساہمنے زندگی دی بازی ہار گئے۔ ایہدے مزید تن ہزار 90مریض شفایاب ہوگئے جدکہ مثبت کیسز دی شرح تن اعشاریہ 98فیصد ہوگئی۔ پاکستان بھر وچ کرونا وائرس دے ہن تیک 27 ہزار 566 مریض انتقال کر چکے نیں ،ایس موذی وائرس دے کْل مریضاں دی تعداد 12 لکھ 38 ہزار 668 ہو چکی اے۔ملک بھر وچ ہسپتالاں، قرنطینہ سینٹرز، وینٹی لیٹرز تے گھراں وچ کورونا وائرس دے 50 ہزار 690 مریض زیرِ علاج نیں، جہناں وچوں 4 ہزار 199 مریضاں د ی حالت تشویش ناک اے، 11 لکھ 60 ہزار 412 مریض ہن تیک ایس بیماری توں شفایاب ہو چکے نیں۔ اک اطلاع دے مطابق ہن تیک کْل 1 کروڑ 91 لکھ 91 ہزار 787 کورونا ٹیسٹ کیتے جا چکے نیں۔ 2 کروڑ 54 لکھ 93 ہزار 964 افراددی مکمل ویکسی نیشن ہو چکی اے۔

اپنا تبصرہ گھلو