قوم لئی وڈی خوشخبری،چیمپئنز ٹرافی2025دی میزبانی پاکستان نوں مل گئی

لہور( پنجابی میڈیا گروپ)پاکستانی شائقین کرکٹ نوں ہن تک دی وڈی خوشخبری مل گئی تے آئی سی سی چیمپٹنر ٹرافی2025دی میزبانی پاکستان کرے گا۔پاکستان کرکٹ بورڈ(پی سی بی)ولوں2025دی چیمپئنز ٹرافی دی میزبانی ملن اُتے مبارکباد دی پوسٹ شیئر کیتی گئی۔پاکستان کرکٹ بورڈ دے چیئرمین رمیز راجہ نے چیمپئنز ٹرافی دی میزبانی پاکستان نوں ملن اُتے سماجی رابطے دی ویب سائٹ ٹوئٹراُتے پیغام جاری کردیاں ہوئیاںآکھیا کہ ایہ وڈے فخر تے خوشی دی گل اے کہ پاکستان آئی سی سی چیمپئنز ٹرافی2025دی میزبانی کرے گا۔ایہ عظیم خبر یقینا لکھاں پاکستانی شائقیناں،غیر ملکیاں تے عالمی شائقیناں نوں عظیم ٹیماں تے کھیڈاریاں نوں ایکشن وچ ویکھن لئی پرجوش کرے گی تے دنیانوںساڈی مہمان نوازی دا نمونہ پیش کرن دا موقع ملے گا۔خیال رہے کہ فروری2025وچ پاکستان وچ کھیڈے جان والے ٹورنامنٹ دا میزبان پاکستان ایس ایونٹ وچ اپنے ٹائٹل دا دفاع وی کرے گا۔

اپنا تبصرہ گھلو