پٹرولیم مصنوعات 8 روپے 90 پیسے تیک مہنگی ہوون د اامکان

اسلام آباد: پٹرولیم مصنوعات دیاں قیمتاں وچ اک وار فیر وادھے دیاں تیاریاں شروع کر دتیاں گئیاں۔

یکم اگست توں پٹرولیم مصنوعات دیاں قیمتاں وچ 8 روپے 90 پیسے وادھے دا امکان اے۔ ذرائع دے مطابق وفاقی حکومت ولوں آئندہ ماہ اک وار فیر پٹرول دی قیمت ودھان دا فیصلہ کر لیا گیا اے، پٹرولیم مصنوعات دی قیمت وچ 8 روپے 9 پیسے فی لیٹر وادھا کیتے جاون دا امکان اے، ہائی سپیڈ ڈیزل دی قیمت وچ 5 روپے 65 پیسے فی لیٹر وادھے دی سفارش کیتی گئی اے۔

ذرائع دے مطابق پٹرول دی قیمت وچ 5 روپے 15 پیسےفی لیٹر وادھے دی تجویز دتی گئی اے، مٹی دے تیل دی قیمت وچ 5 روپے 38 پیسے وادھے دی سفارش کیتی گئی اے، لائٹ ڈیزل دی قیمت وچ 8 روپے 90 پیسے فی لیٹر تیک وادھے دی تجویز دتی گئی اے۔ ذرائع دے مطابق اوگرا ولوں سمری پٹرولیم ڈویژن نوں ارسال کر دتی گئی اے، حتمی فیصلہ کل وزارت خزانہ کرے گی، جے وزارت خزانہ قیمت ودھا دیندی اے تے نویں قیمتاں تے عملدرآمد یکم اگست توں ہووے گا۔